काठमाण्डौं । प्रधानमन्त्री पुष्पकमल दाहाल भदौ ३० गते चार दिने भारत भ्रमणमा जाँदैछन्। ३० गते अपरान्ह नयाँदिल्ली प्रस्थान गर्ने दाहालले सोही दिन राजनीतिक भेटघाट सुरु गर्नेछन्।
भदौ ३१ गते प्रधानमन्त्री दाहालले भारतीय राष्ट्रपति प्रणव मुखर्जी भेटवार्ता गर्नेछन्। सोही दिन दाहालले समकक्षी नरेन्द्र मोदीसँँग भेट गर्ने कार्यक्रम छ। भारतीय प्रधानमन्त्री मोदीसँग भएको छलफलपछि केही सम्झौतामा हस्ताक्षर हुने कार्यक्रम छ।
असोज १ गते प्रधानमन्त्री दाहाल चण्डीगढमा निर्मानाधीन जलविद्युत आयोजनाको अवलोकनका लागि जानेछन्। सोही दिन भारतीय व्यापारीसँग अन्तक्र्रिया गर्ने कार्यक्रम छ।
असोज २ गते दाहाल बाबा रामदेवको पतञ्जली योगपीठले गर्ने विशेष कार्यक्रममा सहभागी हुनेछन्। सोही दिन उनी स्वदेश फर्कने कार्यक्रम छ।
प्रकाशितः २०७३ भदौ २७
वि.सं.२०७३ भदौ २७ सोमवार १२:५९ मा प्रकाशित
