काठमाण्डौ । नेपाल आयल निगमले हवाई इन्धनको मूल्य घटाएको छ ।
चाडपर्वको अवसरमा उपभोक्तालाई सहुलियत दिन हवाई इन्धनको मूल्य घटाइएको निगमका प्रवक्ता भानु खनालले बताए ।
उनका अनुसार आन्तरिकतर्फ हवाई इन्धनको मूल्य प्रति लिटरमा ५ रुपैयाँले घटी ९४ रुपैयाँ कायम गरिएको छ ।
उता, अन्तर्राष्ट्रियतर्फ हवाई इन्धनको मूल्य प्रतिकिलो लिटर ५० डलर घटाएर ८ सय ३१ डलर कायम गरिएको छ ।
निगमले खाना पकाउने एलपीजी ग्याँसको मूल्य पनि यसअघि घटाइसकेको छ । चाडपर्वमा उपभोक्तालाई राहात दिन ग्यासको मूल्य घटाइएसँगै हवाई इन्धनको मूल्य पनि घटाइएको खनालले बताए । उनका अनुसार अन्य पेट्रोलियम पदार्थको मूल्य भने तत्काल घट्दैन ।
प्रकाशितः २०७३ असोज १
वि.सं.२०७३ असोज १ शनिवार ११:५८ मा प्रकाशित
