काठमाण्डौं । नेपाल स्टक एक्स्चेन्जमा आज आइतबार सानिमा बैंक सहित विभिन्न आठ कम्पनीको बोनस तथा हकप्रद सेयर सूचिकृत भएको छ ।आइतबार शेयर बजारमा एक वाणिज्य बैंक,तीन विकास बैंक, दुई बीमा कम्पनी र एक फाइनान्स कम्पनीको गरी करिब २ करोड १८ लाख कित्ता सेयर थपिएको हो।
यसदिन सानिमा बैंकको सानिमा बैंकको १ करोड ५१ लाख ३२ हजार ९ सय ८ कित्ता हकप्रद सेयर सूचीकृत भएको छ । त्यस्तै काक्रेविहार विकास बैंकको ५६ हजार ९ सय २५ कित्ता बोनस र १ लाख ७२ हजार ५ सय कित्ता हकप्रद सेयर थपिएको छ । मिसन डेभलपमेन्ट बैंकको २ लाख २४ हजार २ सय ५० कित्ता बोनस सेयर थप भएको छ भने प्रोफेसनल दियालो विकास बैंकको २ लाख ३ हजार ५ सय कित्ता बोनस सेयर थपिएको छ।
यसैगरी नेप्सेमा नेपाल लाइफ इन्स्योरेन्सको ४३ लाख ३५ हजार कित्ता बोनस सेयर सूचीकृत भएको छ । गुराँस लाइफ इन्स्योरेन्सको ५ लाख कित्ता बोनस सेयर र प्रुडेन्सियल इन्स्योरेन्सको ३ लाख २४ हजार कित्ता बोनस थपिएको छ। लुम्बिनी फाइनान्स एण्ड लिजिङको ७ लाख ३५ हजार २ सय ४४ कित्ता बोनस सेयर सूचीकृत भएको छ ।
आजै सेयर बजारमा रिलायबल डेभलपमेन्ट बैंकको १३ लाख ५५ हजार कित्ता संस्थापक सेयर साधारणमा रुपान्तरण भएको छ । त्यस्तै कास्की फाइनान्सको ३ लाख कित्ता संस्थापक सेयर साधारणमा रुपान्तरण भएको छ । इन्नोभेटिभ डेभलपमेन्ट बैंकको पनि ४ लाख ४३ हजार कित्ता संस्थापक सेयर साधारणमा रुपान्तर भएको छ ।
२ असोज २०७३, ११।००
वि.सं.२०७३ असोज २ आइतवार १५:१२ मा प्रकाशित