काठमाण्डौँ । नजिकिँदै गरेको दशैं, तिहारजस्ता पर्वमा यात्रुको सुविधालाई लक्षित गरी नेपाल वायुसेवा निगम (नेपाल एयरलाइन्स)ले आज बुधबारदेखि पोखरा, भैरहवा र सिमरा उडान सुरु गरेको छ ।
निगमको जहाजले बिहान ६ः३० बजे पोखरा र १०ः३० बजे भैरहवा उडान भरेको छ । सिमराका लागि बिहान ८ः३० बजेको उडान तालिका रहेको छ । यस्तै पोखराका लागि २५५० रुपैयाँ, भैरहवा ३०२५ र सिमराको २२२५ रुपैयाँ भाडा निर्धारण गरिएको निगमले जनाएको छ ।
निगमको सिमरामा पाँच वर्षदेखि उडान हुनसकेको थिएन । पोखरा र भैरहवामा भने जहाज बिग्रिएका कारण केहि महिनाअघि उडान रोकिएको थियो ।
१२ असोज २०७३, १२।००
वि.सं.२०७३ असोज १२ बुधवार १४:०२ मा प्रकाशित
