काठमाण्डौं । धितोपत्र वोर्डले प्रभु बैंकको सेयर कारोबार रोक्का गर्न नेपाल स्टक एक्सचेन्जलाई निर्देशन दिएको छ । वोर्डले ग्रान्ड गाभिसकेको प्रभु बैंकतर्फको मात्र सेयर कारोबार भएकोमा आपत्ति जनाउँदै तीन दिनअघि खुलेको सेयर कारोबार आज बुधबारबाट रोक्का गर्न निर्देशन दिएको हो ।
वोर्डको निर्देशनमा भनिएको छ, दुई बैंक गाभिएर एकिकृत कारोबार सञ्चलान भएपछि प्रभु बैंकतर्फको सेयर कारोबार आंशिक रुपमा मात्र नेप्सेमा कारोबार भएकोमा ध्यानाकर्षण भएको छ ।
गाभ्ने गाभिने कार्य सम्पन्न भएपछि वोर्डमा अभिलेख गरेर मात्र कारोबार गराउनु पर्ने व्यवस्थालाई नाघेर अभिलेख नगरी आंशिक कारोबार मात्र खुला गरेकाले त्यो बन्द गर्न निर्देशन दिइएको विज्ञप्तिमा उल्लेख छ । वोर्डले अब उप्रान्त गाभिने कार्य सम्पन्न भएपछि एकिकृत सेयरको मात्र कारोबार गर्ने ब्यवस्था मिलाउन नेप्सेलाई निर्देशनसमेत दिएको छ ।
१९ असोज २०७३, ११।००
वि.सं.२०७३ असोज १९ बुधवार ११:११ मा प्रकाशित
