काठमाण्डौं । राष्ट्र बैंकले संस्थापक वा संस्थापक समुहको सेयर खरिद गर्दा संस्थापक सेयरधनीले सो बापतको रकमको स्रोत खुल्ने कागजात पनि अनिवार्य रुपमा सम्बन्धित बैकमा बुझाउनु पर्ने नयाँ व्यवस्था गरेको छ ।
नेपाल राष्ट्र बैंकले केही दिन अगाडि सार्वजनिक गरेको एकिकृत निर्देशन २०७३ मा यस्तो व्यवस्था गरिएको छ । राष्ट्र बैंकले गरेको व्यवस्था अनुसार बैंक तथा वित्तीय संस्थाका संस्थापक सेयरधनीले हकप्रद सेयर भर्दा सो बापतको रकमको आयस्रोत अनिवार्य रुपमा खुलाउनु पर्ने भएको छ । साथै, जुनसुकै प्रयोजनको लागि पुँजी वृद्धि गर्ने सन्दर्भमा बैंक तथा वित्तीय संस्थाका संस्थापक वा संस्थापक समुहको सेयर खरिद गर्दा संस्थापक सेयरधनीहरूले आयोस्रोत खुलाउनु पर्ने छ ।
राष्ट्र बैंकले बैंक तथा वित्तीय संस्था संस्थापना एवम् वित्तीय कारोबार गर्ने इजाजतपत्र सम्बन्धी नीतिगत एवम् प्रक्रियागत व्यवस्था २०६३ को अनुसूची ३ को बुँदा नं १६ संशोधन गरी नयाँ व्यवस्था गरेको हो ।
२० असोज २०७३, ११.००
वि.सं.२०७३ असोज २० बिहीवार १०:४८ मा प्रकाशित
