काठमाडौं । राष्ट्रिपति विद्यादेवी भण्डारीकी कान्छी छोरी निशाकुशुमको विवाह आगामी माघ महिनामा हुने भएको छ । उनको विवाह गणतन्त्र नेपालका प्रथम राष्ट्रपति रामवरण यादवका नाती पर्ने अभिषेक यादवसंग हुने भएको हो ।
आइतबार बिहान राष्ट्रपति निवास शीतलनिवासमा उनीहरुको इङ्गेज्मेन्ट (टिकाटालो) सम्पन्न भएको छ ।
अभिषेक पूर्व राष्ट्रपति यादवकी भतिजी एवं महोत्तरीबाट निर्वाचित सांसद किरण यादवका छोरा हुन् । विद्यालय तहदेखिका सहपाठी अभिषेक र निशाकुशुमबीच विवाहको प्रसङ्ग २ वर्षदेखि नै चलेको थियो । यही माघमा विवाह गर्ने तयारीमा दुवै परिवार रहे पनि विवाहको मिति भने तोकिएको छैन ।
ई फरक राजनीतिक पृष्ठभूमिको परिवार बीचको कार्यक्रम भए पनि गोप्य राखिएको टिकाटालो कार्यक्रमम सामान्य पारिवारि उपस्थितिमा गरिएको थियो । एमाले अध्यक्ष केपी ओली भने पत्नी राधिकासहित शितलनिवास पुगेका थिए ।
‘ २९ वर्षीय अभिषेक बुढानिलकण्ठ स्कुलमा अध्ययनताकाकै निशाकुसुमका सहपाठी हुन् ।
उतिबेलादेखि प्रेममा रहेका दुवैको परिवारिक सहमतिमा विवाह हुन लागेको हो । अभिषेकले बेलायत सरकारको चेभेनिङ छात्रवृत्तिमा लण्डनबाट अर्थशास्त्रमा उच्च अध्ययन गरेका छन् । निशाकुसुमले भने नयाँ दिल्लीबाट एमबिबिएस गरेकी छन् ।
टिकाटालो कार्यक्रम नेपाली सेनाको टुकडीले मंगलधुन बजाई सुरु गरिएको थियो । राष्ट्रपति भण्डारीले अभिषेक र निशाकुसुम दुवैलाई टिका र माला पहिर्याएकी थिइन् । एमालेका तत्कालीन महासचिव दिवंगत मदन भण्डारी र राष्ट्रपति विद्यादेवी भण्डारीका दुई छोरी छन् । जेठी छोरी उषाकिरणको विवाह भइसकेको छ ।
३० असोज २०७३
वि.सं.२०७३ असोज ३० आइतवार २१:१४ मा प्रकाशित
