काठमाडौं । प्रधानमन्त्री प्रचण्ड चढेको बुद्ध एयरको जहाज जनकपुर विमानस्थलमा अवतरण गर्न नसकेर काठमाडौं फिर्ता भएको छ।
मंगलबार बिहान त्रिभुवन विमानस्थलबाट उडेको जहाज मौसम खराबीका कारण जनकपुर विमानस्थलमा अवतरण गर्न नसकेको बताइएको छ । जनकपुरमा भिजिबिलिटी कम भएपछि काठमाडौं फिर्ता भएर ९ः४८ बजे जहाज अवतरण भएको विमानस्थलका प्रवक्ता सुवास झाले जानकारी दिए ।
प्रधानमन्त्री प्रचण्ड भने काठमाडौंबाट नेपाली सेनाको हेलिकप्टर चढेर बर्दिबासतर्फ गएको बताइएको छ ।
वि.सं.२०८० मंसिर १९ मंगलवार १४:३० मा प्रकाशित
