काठमाडौँ । नेपाल स्टक एक्सचेञ्ज (नेप्से) यो साता अर्थात माघ २७ गतेदेखि फागुन ३ गतेसम्म तीन कम्पनीको बोनस सेयर सूचीकृत भएको छ । नेप्सेमा गरिमा विकास बैंक, सानिमा माई हाइड्रोपावर र चिलिमे हाइड्रोपावरको बोनस सेयर नेप्सेमा सूचीकृत भएको हो ।
गरिमा विकास बैंकको ९.५० प्रतिशत बोनस बापतको ४९ लाख २८ हजार ३०२.७१ कित्ता बोनस सेयर आज सूचीकृत भएको हो ।
सानिमा माइ हाइड्रोपावरको १० प्रतिशत बोनस बापतको ३० लाख ८९ हजार २५१ कित्ता बोनस सेयर सूचीकृत भएको हो ।
त्यसैगरी, चिलिमे हाइड्रोपावरको १० प्रतिशत बोनस बापतको ७२ लाख ५८ हजार १८० कित्ता बोनस सेयर गरी जम्मा १ करोड ५२ लाख ७५ हजार ७३३.७१ कित्ता बोनस सेयर सूचिकृत भएको हो ।
सूचीकृतपश्चात् तीन वटै कम्पनीको शेयर सम्बन्धीत शेयरधनीहरुको हितग्राही खातामा जम्मा भएपछि धितोपत्र दोस्रो बजारमा कारोबार गर्न पाउनेछ ।
वि.सं.२०८० फागुन ४ शुक्रवार १६:०८ मा प्रकाशित