कामठाण्डौं । नेको ईन्स्योरेन्सलाई इक्रा नेपालले ग्रेड ३ मा रेटिङ दिएपछि अब यसले शतप्रतिशत हकप्रद जारी गर्ने भएको छ । केही समय पहिलादेखि शत प्रतिशत हकप्रद जारी गर्नका लागि धितोपत्र बोर्डमा अनुमति दिएको कम्पनीले इक्राको रेटिङ नपाएपछि रोकिएको थियो ।
ईक्रा नेपालले कम्पनीको हकप्रदलाई ग्रेड थ्री रेटिङ दिएपछि अब धितोपत्र बोर्डले पनि चाँडै नै नेकोलाई हकप्रद जारी गर्न स्वीकृति दिनसक्ने संभावना बढेको छ । नयाँ ईक्रा रेटिङको अभावमा नेकोको हकप्रद जारी गर्ने आबेदनमा धितोपत्र बोर्डले कुनै जवाफ दिएको थिएन ।
धितोपत्र बोर्डले राष्ट्र बैंकको पूँजी बृद्धि योजनामा सघाउन नेटवर्थ धनात्मक भएका बैंक तथा बित्तीय संस्थाहरुलाई हकप्रद वा साधारण सेयर जारी गर्न ईक्राको रेटिङ आबश्यक नपर्ने गरी छुट दिए पनि अन्य कम्पनीहरुलाई भने अनिबार्य गरेको छ । कम्पनीको चुक्ता पूँजी हाल ३२ करोड ४० लाख रुपैयाँ रहेकोमा हकप्रद जारीपछि ६४ करोड ८० लाख नाघ्ने छ ।
२१ कार्तिक २०७३, १०।३०
वि.सं.२०७३ कात्तिक २१ आइतवार १०:५१ मा प्रकाशित
