काठमाडौं । नेपाल बैंकले पुरानो लाभांश बुझिदिन सेयरधनीसँग आग्रह गरेको छ । कतिपय सेयरधनीले आर्थिक वर्ष २०७५/७६, २०७६/७७, २०७७/७८ र २०७८/७९ मा वितरण गरेको बोनस सेयर र नगद लाभांश लिन नआएपछि बैंकले सूचना जारी गरेर लिन आग्रह गरेको हो ।
यसको लागि सम्बन्धित सेयरधनीहरुलाई आवश्यक कागजातहरु सहित हिमालयन क्यापिटल, ठमेल काठमाडौंमा निवेदन पेश गर्न बैंकले अनुरोध गरेको छ ।
सो प्रकृयापछि बैंकले ४ बर्षसम्मको बोनस सेयर डिम्याट खातामा जम्मा गर्ने र नगद लाभांश डिम्याट खातामा अद्यावधिक गराइएको बैंक खातामा आइपीएसमार्फत जम्मा गर्ने जानकारी दिएको छ ।
यसको लागि हालसम्म पनि डिम्याट खातामा बैंक खाता अद्यावधिक नगरेका सेयरधनीलाई अद्यावधिक गराउन पनि बैंकले आग्रह गरेको छ ।
वि.सं.२०८१ वैशाख ४ मंगलवार १६:५२ मा प्रकाशित