काठमाडौं । नेपाल स्टक एक्सचेञ्ज (नेप्से)ले बिहीबार दुई कम्पनीको मूल्य समायोजन गरेको छ ।
नेप्सेले प्रभु इन्स्योरेन्सको ४.७५ प्रतिशत बोनस सेयरपछि प्रतिकित्ता ७३७ रुपैंया ४७ पैसा हुने गरी मूल्य समायोजन गरेको हो । नेप्सेले बिहीबारको अन्तिम कारोबार ७७२ रुपैंया ५० पैसाका आधारमा मूल्य समायोजन गरेको छ ।
त्यसैगरी, सूर्यज्योति लाइफ इन्स्योरेन्सको १०.२६ प्रतिशत बोनस सेयरपछि प्रतिकित्ता ४५७.७४ रुपैंया हुने गरी मूल्य समायोजन गरेको छ । बिहीबारको अन्तिम कारोबार ५०४.७० रुपैंयाको आधारमा मूल्य समायोजन गरेको हो ।
यी दुवै कम्पनीको सोही मूल्यको आधारमा नै आइतबार सेयरबजारमा कारोबार खुल्नेछ ।
वि.सं.२०८१ वैशाख ६ बिहीवार १६:२३ मा प्रकाशित