काठमाण्डौं। सेयर बजारमा बुधबार पनि पहिरो गएको छ। लगानीकर्ताले विक्रीका लागि दबाब बनाउँदा सेयर सूचक आज साढे ४२ अंकले झर्न पुगेको हो । बजार साढे ४२ अंकले झरेर १५४० अंकमा आएको छ।
आज सूचक घटे पनि कारोबार रकममा भने सुधार देखिएको छ । दिनरभीमा १३१ कम्पनीका एक अर्ब सात करोड रुपैयाँको सेयर कारोबार भएको छ ।
सबै उपसुचकहरुले रातो रंग देखाएका छन्। बैकिङ ३७.४७, होटल १०२.९२, विकास बैंक ४१.८, जलविद्युत १५.१७ अंकले झरेको छ। फाइनान्स १३.८७, बिमा ३६५.६४, उत्पादनमूलक १२.६९ र अन्य १३.६८ अंकले झरेको छ।
बजारमा ६ कम्पनी लक्ष्मी लघुवित्त, सुर्य लाइफ, तारागाउँ रिजेन्सी, सगरमाथा फाइनान्स, नेरुडे लघुवित्त र एनएलजी इन्स्योरेन्सको सेयर मूल्य १० प्रतिशत हाराहारी झरेको छ तर आज सबैभन्दा बढी मेगा बैंकले चार प्रतिशत कमाएको छ।
८ मंसिर २०७३, ३।४५
वि.सं.२०७३ मंसिर ८ बुधवार १५:५० मा प्रकाशित
