काठमाण्डौं । आज बिहीबारदेखि नेपाल स्टक एक्सचेञ्ज नेप्सोमा ग्रीन डेभलपमेण्ट बैंकको सेयर कारोबार खुलेको छ । गत जेठमा ४ लाख ५० हजार कित्ता साधारण सेयर निष्कासन गरेको यस कम्पनीले पहिलो पटक नेप्सेमा कारोबार सुरु गरेको हो ।
नेप्सेले यस कम्पनीको प्रति कित्ता सेयरमूल्य ८३ रुपैयाँदेखि २४८ रुपैयाँ तोकेको छ । ग्रीन डेभलपमेण्ट बैंकको नेप्सेमा जिआरडिबिएल कोडमा सेयर कारोबार हुनेछ ।
बागलुङमा मुख्य कार्यालय रहेको ग्रीन डेभलपमेण्ट बैंकले बागलुङ, म्याग्दी र कास्की जिल्लामा कार्यक्षेत्र बिस्तार गरी वित्तीय सेवा दिंदै आएको छ । बैंकको अधिकृत पूँजी ५० करोड, जारी पूँजी १० करोड र चुक्ता पूँजी दश करोड रुपैयाँ रहेको छ ।
९ मंसिर २०७३, ११।००
वि.सं.२०७३ मंसिर ९ बिहीवार ११:३५ मा प्रकाशित
