काठमाण्डौं । लगातार दुई दिन उच्च अंकले घटेको सेयर बजार आज मंगलबार भने झण्डै १० अंकले बढेर बन्द भएकोछ । आइतबार सेयरबजार ३० अंक तथा सोमबार २६ अंक बढीले ओरालो लागेको थियो । तर आज नेप्से ९.९१ अंकले बढेर १५५४.५१ अंकमा पुगेको छ ।
कारोबारमा आएका जलविद्युत बाहेक सबै समूह हरियो भएपछि बजार बढ्न पुगेको हो । आज करिब १३६ कम्पनीको ७७ करोड १८ लाख रुपैयाँ बराबरको ९ लाख ४० हजार कित्ता सेयर किनबेच भयो । बजारमा हरियाली छाउँदा कारोबार रकम समेत अघिल्लो दिनको तुलनामा १३ करोड रुपैयाँले बढेको छ ।
हिजो मात्रै सेयर बजारका लगानीकर्तालाई हतोत्साहित नभई लगानी गर्न धितोपत्र बोर्डले आब्हान गरेको थियो । आज सबैभन्दा बढी सिद्धार्थ बैंकको ८ करोड ७१ लाख रुपैयाँ बराबरको कारोबार भएको छ ।
२१ मंसिर २०७३, ३।४०
वि.सं.२०७३ मंसिर २१ मंगलवार २१:२९ मा प्रकाशित
