काठमाण्डौं। एसियाली विकास बैंक (एडिबी)ले सोलार उर्जा प्रबर्धनका लागि नेपाल सरकारलाई दुई अर्ब १८ करोड रुपैयाँ (दुई करोड अमेरिकी डलर) अनुदान दिने भएको छ। सोलार बिद्युतमा व्यवसायीक लगानीका लागि निजी क्षेत्रलाई प्रोत्साहन गर्ने उद्देश्य साथ बैंकले यो रकम दिन लागेको हो।
सन् २०१८ सम्ममा सोलारबाट कम्तिमा २५ मेगावाट बिजुली व्यवसायीक स्केलमा उत्पादन होस् भन्ने बैंकले चाहेको छ। ‘त्यो भन्दा महत्वपुर्ण हामी एउटा विजनेश मोडल विकास भएको देख्न चाहन्छौँ, जसको सिको उर्जा संकट खेपी रहेको दक्षिण एसयाली मुलुकहरु जहाँ सुकै गर्न सकियोस्’ बैंकले बिज्ञप्ति मार्फत उल्लेख गरेको छ ।
बैंकको अनुदान सरकारले निजी क्षेत्रको सोलार बिजुलीमा गरेको लगानी र त्यसका लागि नेपाल विद्युत प्राधिकरणले तिर्ने न्यूनतम मूल्यको ग्याप पूर्तीका लागि उपलब्ध गराउनेछ। निजी क्षेत्रको लागत बमोजिम बिजुलीको मूल्य नपाउने अवस्था आयो भने पनि घाटा लागेर निरुत्साहित नहुन् भनेर सहयोग गर्ने लागेको बैंकले जनाएको छ।
नेपालमा सोलारबाट व्यवसायीक रुपले बिजुली उत्पादन भए सुक्खा याममा नदिनालाको पानी कम हुँदा समेत जनताले उज्यालोमा बस्न पाउने बैंकको विश्वास रहेको छ। निजी क्षेत्रले मिनी र माइक्रो हाइड्रोमा राम्रो लगानी गरेको भन्दै बैंकले प्रशंसा समेत गरेको छ। यसको डेड लाइन सन् २०२२ लाई राखिएको छ। टेन्डर प्रकृया सन् २०१७ मा सुरु हुने छ देखि १२ महिनामा सकिने बैंकको अपेक्षा छ।
२४ मंसिर २०७३, ११।००
वि.सं.२०७३ मंसिर २४ शुक्रवार १७:३८ मा प्रकाशित
