काठमाण्डौं । सरकारले प्रधानमन्त्री पुष्पकमल दाहाल प्रचण्डको सम्पत्ति विवरण सार्बजनिक गरेको छ । सार्वजनिक सम्पत्तिमा श्रीमती सिता दाहालको नाममा चितवनमा एक कट्ठा जमीन र तीन तोला सुन बाहेक आफूसँग अरु कुनै सम्पत्ति नभएको विवरण सार्वजनिक भएकोछ ।
उनले सार्वजनिक गरेको विवरणमा उनीसँग अरु कुनै सम्पत्ति नभएको सम्पत्ति विवरणमा उल्लेख छ । उनको परिवारको नाममा रहेको एक कट्ठा जमीन र तीन तोला सम्पत्ति पनि स्वआर्जन नभएर पैतृक रहेको उक्त विवरणमा उल्लेख छ ।
प्रधानमन्त्री तथा मन्त्रिपरिषदको कार्यालयले प्रधानमन्त्री, मन्त्रीहरु र राज्यमन्त्रीहरुको सम्पत्ति विवरण आज सार्वजनिक गरेको हो । यस विवरण अनुसार प्रधानमन्त्री पुष्प कमल दाहाल प्रचण्ड स्वर्गीय पूर्व प्रधानमन्त्री सुशील कोइराला र कृष्णप्रसाद भट्टराईपछिकै गरिब प्रधानमन्त्रीका रुपमा देखिएका छन् ।
२९ मंसिर २०७३, ४।१०
वि.सं.२०७३ मंसिर २९ बुधवार २१:४५ मा प्रकाशित
