काठमाण्डौं । साताको अन्तिम दिन नेप्से परिसूचक न्यून अंकले बढेको छ। आज नेप्से परिसूचक ३।३५ अंकले बढेर १४७९।८६ अंकमा पुगेको छ।
दिनभरमा १ सय २० कम्पनीको दुई हजार ४ सय ४३ कारोबारबाट ३२ करोड २७ लाख रुपैयाँ बराबरका २६ लाख कित्ता सेयर किनबेच भए। आज खानीखोला हाईड्रोपावर कम्पनी लिमिटेडको करिब १० प्रतिशतले बढ्यो भने कर्णाली विकास बैंकको मूल्य करिब १० प्रतिशतले नै घटेको छ ।
विश्लेषकहरुले एफपीओ, अईपिओसंगै बजारमा तरलताको समस्या कायमै रहेकाले कारोबार रकम बढ्न नसकेको बताउँदै आएका छन् ।
२८ पुस २०७३, ३।४०
वि.सं.२०७३ पुस २८ बिहीवार १५:२६ मा प्रकाशित