काठमाण्डौं । सान्जेन जलविद्युत् कम्पनीले सर्वसाधारणमा सेयर निष्कासन गर्ने प्रक्रिया अघि बढाएको छ । कम्पनीले पहिलो चरणमा प्रतिकित्ता एक सयको दरले ८७ लाख ६० हजार कित्ता सेयर निस्कासन गर्नेछ ।
कम्पनीले आइपीओ निष्कासन गर्न नागरिक लगानी कोषलाई बिक्री प्रबन्धकमा नियुक्त गरेको छ । पहिलो चरणमा समूह ‘ग’ का ऋणदाता कर्मचारीको लागि छुट्टयाइएको १ प्रतिशत तथा संस्थापक सेयरधनी संस्थाका कर्मचारीको लागि ३ दशमलव ५ प्रतिशत र ‘घ’ अन्तर्गतका कर्मचारी सञ्चय कोषमा रकम जम्मा गरेका संचयकर्ता कर्मचारीलाई छुट्टयाइएको १९ दशमलव ५ प्रतिसत सेयर निष्कासन हुनेछ ।
रसुवामा अवस्थित सान्जेन जलविद्युतले १४.८ मेघावाट जलविद्युत उत्पादन गर्नेछ । यो कम्पनी चिलिमे हाइड्रोपावरको सहायक कम्पनी हो ।
३ माघ २०७३, ११।००
वि.सं.२०७३ माघ ३ सोमवार १३:४१ मा प्रकाशित