काठमाण्डौं । एनएमबि हाईब्रिड फण्ड एल एक को मंगलबारबाट नेपाल स्टक एक्सचेञ्जमा कारोबार खुलेको छ ।नेप्सेले सेयर कारोबारका लागि NMBHF1 सिम्बोल दिएको छ । नेप्सेले पहिलो कारोबारको प्रति इकाई मूल्य १० रुपैयाँ तोकेको छ।
एक अर्ब रुपैंँयाँको आकार रहेको सात बर्षे एनएमबि हाईब्रिड फण्ड एल १ कोष प्रबर्द्धक रहेको एनएमबि म्यूचुअल फण्ड अन्तर्गत संचालित फण्ड हो। एनएमबि हाईब्रिड फण्ड एल १ ले गत साता मात्र एक अर्ब मूल्य बराबरको दश करोड ईकाई नेप्सेमा सुचिकृत गराएको थियो ।
गत भदौमा यो फण्ड निस्कासन गरिएको थियो । प्रति इकाई १० रुपैयाँका दरले ६ करोड ८० लाख इकाई निस्कासन गरिएको थियो। सो फण्डमा साना लगानीकर्ताले ८३.२२ प्रतिशत र ठुला लगानीकर्ताले १५.७७ प्रतिशतका दरले इकाई प्राप्त गरेका थिए ।
फण्डको प्रतिएकाई मूल्य मंसिर मसान्तमा दश रुपैँया सात पैसा रहेको छ । फण्डले २७ करोड रुपैँया बराबरको रकम सुचिकृत कम्पनीको धितोपत्रमा लगानी गरेको छ ।
११ माघ २०७३, ११।००
वि.सं.२०७३ माघ ११ मंगलवार १३:४७ मा प्रकाशित
