काठमाण्डौं । एनआईसी एशिया बैंकले तीन दिन भित्र बोलपत्र मार्फत दुई करोड २० लाख भन्दा बढी कित्ता सेयर बिक्री गर्ने सूचना जारी गरेको छ ।
एनआईसीले आफ्नो नाममा रहेको आठ वटा सामुहिक लगानी कोष र नेशनल लाईफ ईन्स्योरेन्सको सेयर तीन दिने लिलामीमा निकालेको हो । यो सेयर ब्यक्ति तथा संगठित संस्थाहरु दुबैले किन्न सक्नेछन् ।
लिलाममा आएको मध्ये लक्ष्मी भ्यालु फण्ड १ को दुई लाख ४३ हजार ५१ ईकाई, एनाआईबीएल सम्बृद्धि फण्ड १ को ५८ लाख ४६ हजार ८१०, एनएमबी सुलभ इृन्भेष्टमेन्ट फण्ड १ को ३५ लाख २० हजार ६१९, , सिद्धार्थ ईन्भेष्टमेन्ट ग्रोथ १ को दुई लाख ४८ हजार २००, सिद्धार्थ ईक्विटी ओरेन्टेड स्किमको ५६ लाख ७५ हजार ६०७, ग्लोबल आईएमई समुन्नत स्किम १ को ३७ लाख ६७ हजार २६८, एनएमबी हाईब्रिड फण्ड १ को १२ लाख ६१ हजार ९०१ र नबिल इृक्विटिी फण्डको ८ लाख ६८ हजार ४ ईकाई छ । यी ईकाईहरुको प्रति ईकाई मूल्य १० रुपैयाँ वा सो भन्दा माथिको मूल्यमा बजारमा किनबेच भईरहेको छ । त्यस्तै, नेशनल लाईफको हिस्सा रहेको ६५ हजार कित्ता संस्थापक सेयर पनि बिक्रीमा छ । जसको हालको बजार मूल्य प्रति कित्ता १६६८ रहेको छ ।
२६ माघ २०७३, ११।००
वि.सं.२०७३ माघ २६ बुधवार ११:३२ मा प्रकाशित