काठमाण्डौं । मिसन डेभलपमेण्ट बैंकले हिजो आईतबार धितोपत्र बोर्डबाट शतप्रतिशत हकप्रद निस्कासनको स्वीकृति प्राप्त गरेको छ । हकप्रद पारित गरेको १० महिना पछि मात्र बैंक हकप्रद निष्काशनको अनुमति माग्दै धितोपत्र बोर्ड पुगेको थियो ।
बैंकले गत फागुन ३० गते साधारण सभाबाट हकप्रदको प्रस्ताव पारित गराएको थियो । १९ करोड ४९ लाख रुपैंया चुक्तापूँजी बराबरको १९ लाख ४९ हजार दुई सय ५० कित्ता हकप्रद निष्काशन गर्नका लागि बैंक धितोपत्र बोर्डमा गएको हो । बैंकको सेयर विक्री प्रबन्धकमा भिबोर क्यापिटल रहेको छ ।
हकप्रद पश्चात बैंकको चुक्ता पूँजी ३८ करोड ९८ लाख रुपैँया पुग्नेछ । बैंकले चालु आर्थिक बर्षको अर्धबार्षिक अवधिमा तीन करोड ६६ लाख रुपैयाँ खुद नाफा गरेर प्रतिसेयर आम्दानी ३७ रुपैयाँ ६१ पैसा कायम गरेको छ ।
९ फागुन २०७३, ११।००
वि.सं.२०७३ फागुन ९ सोमवार ११:११ मा प्रकाशित
