काठमाण्डौं । तपाईले बैंक तथा बित्तीय संस्थाबाट कर्जा लिँदा आफ्नो आम्दानी बढाएर देखाउने या त एउटा निकायमा एउटा र अरु निकायमा अर्कै बित्तीय बिबरण पेश गर्नुभएको छ ? या त अब कर्जा लिने विषयमा यस्तो गर्ने सोच्दै हुनुहुन्छ ? यदि त्यस्तो हो भने अब बैैकिङ कसुर अनुसार कारबाही हुने भएकोछ ।
राष्ट्र बैंकले मंगलबार जारी गरेको मौद्रिक नीतिको समीक्षामा कुनै पनि ऋणीले पेश गरेको बित्तीय बिबरणहरु एक भन्दा बढी पाईएमा त्यस्तो कार्यलाई कसुर मानिने बैंकिङ कसुर सम्बन्धी ऐन २०६४ को संशोधनले ब्यवस्था गरेको उल्लेख छ ।
कतिपय ऋणीले कर कार्यालयमा एउटा बित्तीय बिबरण पेश गर्ने र कर्जा लिँदा बैंकमा अर्को बिबरण पेश गर्ने गरेको गुनासो आईरहेको सन्दर्भमा नयाँ ब्यवस्था लागु हुने भएको हो ।
सो ब्यवस्था अनुसार दोहोरो बित्तीय बिबरण तयार गरेर कर्जा लिने ऋणीको कर्जालाई खराब कर्जामा बर्गीकरण गरेर शत प्रतिशत नोक्सानी ब्यवस्था गर्नुपर्ने र तत्काल असुली प्रक्रिया अबलम्बन गर्नुपर्ने नियम बनाइएको छ ।
१० फागुन २०७३, ३।००
वि.सं.२०७३ फागुन १० मंगलवार १५:४६ मा प्रकाशित