काठमाण्डौं । कृषि विकास बैंकले लिलाममा राखेको झण्डै २० लाख कित्ता सेयरका लागि आवेदन गर्ने आज अन्तिम दिन हो । बैंकले ५० प्रतिशत हकप्रद निष्काशन गर्दा नबिकेको १९ लाख ६८ हजार पाँच सय ७५ कित्ता माघ २७ गतेदेखि लिलाममा राखेको थियो ।
बैंकले गत कात्तिक ३ गतेदेखि मंसिर ७ गतेसम्म दुई बराबर एक कित्ताको अनुपातमा एक करोड ९६ लाख ८८ हजार कित्ता हकप्रद सेयर बिक्रीका लागि आवेदन खुला गरेको थियो । जसमध्ये हकप्रदमा आवेदन नपरेको १९ लाख ६८ हजार पाँच सय ७५ कित्ता सेयर लिलाममा राखिएको हो । सेयर लिलाम प्रकृयामा सहभागि हुन चाहनेले बैंकको सेयर निष्काशन तथा बिक्री प्रबन्धक एक क्यापिटलमा आज बैंकिंग समय भित्रमा सम्पर्क राख्नु पर्ने हुन्छ ।
बोलकबोलमा सहभागि हुन न्युनतम एक सय कित्तादेखि बढीमा १० हजार कित्तासम्म सेयर माग गर्नु पर्ने हुन्छ । त्यस्तै लगानीकर्ताले न्युनतम एक सय रुपैँया र त्यसभन्दा बढि रकमको अंकित मुल्य गरि बोलकबोल आवेदन गर्न सक्नेछन् । लिलामीको नतिजा विक्री प्रबन्धक एस क्यापिटलले फागुन १३ गते शुक्रबार खोल्ने जनाएको छ ।
१२ फागुन २०७३, ११।००
वि.सं.२०७३ फागुन १२ बिहीवार ११:०० मा प्रकाशित
