काठमाण्डौँ । सेयर बजार आज मात्र ४ अंकको बृद्धि देखिए पनि कारोबार रकम भने निक्कै बढेको छ । गत बुधबारदेखि उकालो लाग्न थालेको सेयर बजारमा आज मात्र ७५ करोडको कारोबार भएको छ।
आज १३५४ अंकबाट सुरु भएको बजार एक घन्टामै १९ अंकको वृद्धिसँगै १३७५ अंक पुगेको थियो । तर अन्तिममा नेप्से परिसूचक ४.०७ अंकले बढेर १३५८।४१ अंकमा बन्द भएको छ।
दिनभरीमा ७४ करोड ७३ लाख रुपैयाँ बराबरका सेयर किनबेच भएका छन्। कुल १५ लाख कित्ता सेयर खरीदबिक्री भएका छन् । आज बैंकिंङ ४.९९, होटेल ९.४४, विकास बैंक समूह १.४८, जलबिद्युत ६.७३, उत्पादनमूलक ०.३२ र अन्यमा ५.७८ अंकले वृद्धि देखिएको छ। तर फाइनान्स २.१८ र इन्स्योरेन्स ३.५२ अंकले घटेको छ।
२३ फागुन २०७३, ३।३०
वि.सं.२०७३ फागुन २३ सोमवार १५:५९ मा प्रकाशित
