काठमाण्डौं । जनता बैंकले आज मंगलबारदेखि सात लाख ६७ हजार ५५२ कित्ता सेयरको लिलामी बिक्री खुलाएको छ । बैंकले सर्वसाधारण समूहको तीन लाख ७१ हजार २६ कित्ता र संस्थापक समूहको तीन लाख ९६ हजार ५२६ कित्ता सेयर बिक्री खुला गरेको हो ।
बैंकले गत मंसिर १ देखि पुस १० गतेसम्म बिक्री खुला गरेको एक करोड तीन लाख कित्ता हकप्रद सेयरमा नबिकेको सेयर लिलामीमा राखेको हो । इच्छुक लगानीकर्ताले लिलामीको सेयरमा चैत १५ गतेसम्म आवेदन गर्न सक्नेछन् ।
लिलामीको सेयर लिन इच्छुक खरिदकर्ताले संस्थापक समूहको न्यूनतम एक हजार कित्ता र सर्वसाधारण समूहको न्यूनतम एक सय कित्ता वा त्यो भन्दा बढी १० अंकले भाग जाने सबै कित्तामा आवेदन दिन सक्ने बैंकको सेयर बिक्री प्रबन्धक एनसीएम मर्चेन्ट बैंकिङ लिमिटेडले जनाएको छ ।
१ चैत २०७३, ११।००
वि.सं.२०७३ चैत १ मंगलवार ११:२८ मा प्रकाशित