अछाम । अछाम जिल्लाकोे बुढिगंगा नदिमा पहिलो पटक सम्भाव्यता अध्ययनका लागि जल यात्रा गरिएको छ । मष्टो आउटडोर्स प्रालिको आयोजनामा जलयात्रा गरेर सम्भाव्यता अध्ययन गरिएको हो ।
साँफेबगरको पक्की पुलदेखि, बैजानाथ धाम, जिउराडी हँुदै चित्रे पुलसम्म टोलिले जलयात्रा गरेको थियो । ‘अछाम जिल्लाको बुढीगंगा नदीमा जलयात्राको प्रचुर सम्भावना रहेको छ, ‘सम्भाव्यता अध्ययनको नेतृत्व गरेका पर्यटन ब्यवसायी रमेशबहादुर कुँवरले भने जल यात्राका माध्यमले स्वदेशी तथा विदेशी पर्यटक आकर्षित गर्न सकिन्छ । सम्भाव्यता अध्ययन पूर्णरुपमा सफल भएको भन्दै उनले निकट भविष्यमै व्यवसायिक रुपमा बुढीगंगा नदीमा जलयात्रा संचालन गरिने बताए ।
उक्त सम्भाव्यता अध्यनमा सहभागि नेपाल पत्रकार महासंघ अछामका पूर्व अध्यक्ष वेदप्रकाश तिमिल्सैनाले भने ‘अछाम जिल्लामा रहेको जल यात्राको प्रचुर सम्भावना रहेछ अव यसको प्रवद्र्धन गर्न सवैले हातेमालो गर्न जरुरी छ । यस्ता गतिबिधि बढाउन स्थानीय सरकारले माष्टर प्लान बनाएर अगाढी बढ्न जरुरी छ ।
अछाम जिल्लामा बाह्य र आन्तरिक पर्यटन प्रबद्र्धनका लागि जल यात्रा पनि महत्वपुर्ण देखिन्छ । चार घण्टा लामो जल यात्राका दौरान आफूहरु निकै रोमाञ्चित भएको सहभागिहरुले बताएका थिए । जल यात्रा सम्भाव्यता टोलिमा रेडियो रामारोशनका अध्यक्ष एकिन्द्र कँुवर, कार्यकारी निर्देशक वेदप्रकाश तिमिल्सैना, अन्य संञ्चारकर्मि, स्थानियको सहभागिता रहेको थियो ।
चैत ९ २०७३
वि.सं.२०७३ चैत ९ बुधवार १२:५९ मा प्रकाशित
