काठमाण्डौं । नेपाल स्टक एक्सचेन्ज नेप्सेमा यस साता कारोबार रकम र परिसूचक दुबै बढेको छ। यस साता ४५ हजार ७२ कारोबारबाट सात अर्ब १९ करोड ८९ लाख ८३ हजार रुपैयाँ बराबरका एक करोड ४० लाख ४१ हजार १० कित्ता सेयर खरीद बिक्री भएको नेपाल स्टक एक्सचेन्जले जनाएको छ।
गएको साता एक सय ५५ कम्पनीको ४१ हजार तीन सय ६३ कित्ता कारोबारमा पाँच अर्ब ७७ करोड ७५ लाख रुपैयाँ बराबरको एक करोड आठ लाख ३३ हजार ८० कित्ता सेयर खरीद बिक्री भएको थियो । कारोबार रकम गएको साता भन्दा २४.६० प्रतिशत बढी हो । साताभर पहिलो दिनको तुलनामा नेप्से ५३.८१ अंक बढेको छ ।
यस साता चार कम्पनीका बोनस सेयर सुचिकृत भएका छन् । पश्चिमाञ्चल फाइनान्स कम्पनी, जानकी फाइनान्स कम्पनी, नमस्ते वित्तीय संस्था र महिला सहयात्रा माइक्रोफाइनान्सको बोनस सेयर सुचिकृत भएको हो ।
१८ चैत २०७३, १।००
वि.सं.२०७३ चैत १८ शुक्रवार १५:३२ मा प्रकाशित