काठमाडौ ।अमेरिकाले अफगानिस्तानमा खसालेको अहिलेसम्मकै सबैभन्दा ठूलो नन न्यूक्लियर बमले इस्लामिक स्टेट ९आइएस० को बेस क्याम्प ध्वस्त पारेको दाबी गरेको छ । बिबिसीका अनुसार आक्रमणमा ३६ जनाको ज्यान गएको छ ।
जीबियू ४३ नाम दिइएको बमलाई ‘मदर अफ अल बम्स्’को संज्ञा पनि दिइएको छ । आइएसले नेटवर्क सञ्जाल सञ्चालन गरिरहेको अफगानिस्तानको मोमन्द भ्यालीमा बम खसालिएको हो । अमेरिकी रक्षा मन्त्रालयले यो बम अफगानिस्तानको नागहार प्रान्तमा खसालेको जनाएको छ । सन् २००३ मा परीक्षण गरिएको यो बम प्रयोग भने गरिएको थिइएन ।
अमेरिकी रक्षा मन्त्रालयले विद्रोही समूह स्लामिक स्टेट ९आइएस०को क्षेत्रमा यो बम खसालेको दाबी गरेको हो । यो बमको तौल ९ हजार ८ सय किलो र यसको लम्बाई ३० फिट भन्दा धेरै भएको खबरमा उल्लेख छ । गएको हप्ता अफगानिस्तानमा आइएससँगको लडाइँमा अमेरिकी सैनिकको ज्यान गएपछि यस्तो बम खसालिएको हो ।
प्रकाशित मितिः २०७४ बैशाख १
वि.सं.२०७४ वैशाख १ शुक्रवार १३:३५ मा प्रकाशित
