काठमाडौ। आइतबार सुनको मूल्य तोलामा १ सय रुपैयाँले बढेर ५५ हजार ७ सय रुपैयाँ पुगेको छ । आइृतबार चाँदीको भाउमा भने कुने परिवर्तन आएको छैन ।
अघिल्लो साताको शुक्रबार ५ महिनाकै उच्च बिन्दुमा पुगेको सुनको मूल्य गत साता पनि बलियो देखियो । उत्तर कोरियामा बढ्दो तनाव र मध्य पुर्वि देशहरुबाट उच्च माग आइरहेकोले अन्तराष्ट्रिबजारमा सुनको मूल्य बढिरहेको विदेशी सञ्चार माध्यमहरुले उल्लेख गरेका छन् ।
अघिल्लो साता अमेरिकाले उत्तर कोरियामा मिसाइल प्रहार गरेपछि सुनको मूल्य उच्च भएको थियो । गत शुक्रबार तत्काल भुक्तानी गरिने (भौतिक) सुन प्रतिऔंस १ हजार २ सय ८४ डलरमा कारोबारमा कारोबार भइहेको थियो । शनिबार र आइतबार भने बिदेशी बजार बन्द रहने गर्छन् । डलर केही सस्तिंदा समेत सूनको मूल्य वृद्धि कायम रहन सकेको पनि सञ्चार माध्यमले उल्लेख गरेका छन् ।
अन्तराष्ट्रिय बजारमा प्रतिऔंस सुनको मूल्य कम्तिमा पनि १३ सय डलर पुग्ने विश्लेषण गर्न थालिरहेका छन् । यसो भएमा नेपाली बजारमा पनि आगामी दिनमा सुनको मूल्य केही बढ्नेछ ।
प्रकाशित मितिः २०७४ बैशाख ३
वि.सं.२०७४ वैशाख ३ आइतवार १३:२६ मा प्रकाशित
