लमजुङ । यही वैशाख ३१ गते हुने स्थानीय तहको चुनावमा नेकपा एमाले र नेकपा माओवादी केन्द्रबिच लमजुङमा तालमेल हुने भएको छ । चुनावमा गठबन्धन बनाएर अघि बढ्न सहमत भएको दुवै राजनीतिक दलका नेताले बताएका छन् ।
दुवै राजनीतिक दलले बिहीबार पत्रकार सम्मेलन गरी स्थानीय तहको चुनावमा नगरपालिका, गाउँपालिका र वडा तहसम्म तालमेल गरेर जाने सहमत भएको घोषणा गरेका हुन् । नेपाल कम्युनिष्ट पार्टी माओवादी केन्द्रका जिल्ला इन्चार्ज पारसमणि पौडेल र एमालेका जिल्ला अध्यक्ष धनञ्जय दवाडीले संयुक्त प्रेस वक्तव्य जारी गरी चुनावमा मोर्चा बनाउने निर्णय भएको जानकारी दिइएको छ ।
जिल्लामा ४ गाउँपालिका र ४ नगरपालिका गरी ८ स्थानीय तह छन् । एमाले र माओवादी केन्द्रबिच पाँच तहको प्रमुख र उप–प्रमुखमा एमाले र तीन तहको प्रमुख र उप–प्रमुखमा माओवादी केन्द्रले उम्मेद्वार उठाउने सहमति भएको छ ।
प्रकाशित मितिः २०७४ बैशाख १५
वि.सं.२०७४ वैशाख १५ शुक्रवार १३:२६ मा प्रकाशित
