काठमाडौ । तिनाउ विकास बैंकको मंगलबारदेखि ३५ प्रतिशत हकप्रद सेयर बिक्री खुला भएको छ । तिनाउले १०ः३.५ अनुपातमा अर्थात् १० कित्ता सेयर बराबर थप नयाँ ३.५ कित्ता सेयर बिक्री खुला गरेको हो ।
यसआधारमा बैंकले १०० रुपैयाँ अंकित मूल्यको ११ करोड ९४ लाख ७९ हजार ६०९ रुपैयाँको ११ लाख ९४ हजार ७९६.०९ कित्ता हकप्रद सेयर बिक्री गर्नेछ । यो हकप्रद सेयर जेष्ठ २२ गतेसम्म भर्न पाइनेछ । हकप्रद सेयर निष्कासनपछि तिनाउको चुक्ता पुँजी ४६ करोड आठ लाख ४९ हजार ९२१.८८ रुपैयाँ पुग्नेछ ।
बैशाख ५ गतेसम्म कायम सेयरधनीले मात्र यसमा आवेदन दिन सक्नेछन् । तिनाउ विकास बैंकको मुख्य कार्यालय बुटवलसहित अधिकांश शाखा कार्यालयबाट आवेदन दिन पाइनेछ । त्यसैगरी, बिक्री प्रबन्धक सिद्धार्थ क्यापिटल लिमिटेड नारायणचौर काठमाडौंसहित अधिकांश शाखा कार्यालयबाट पनि सेयर भर्न सकिनेछ ।
प्रकाशित मितिः २०७४ बैशाख १९
वि.सं.२०७४ वैशाख १९ मंगलवार १२:४४ मा प्रकाशित