म्याग्दी । नजिकिँदै गरेको स्थानीय निर्वाचनको झल्को दिनेगरी म्याग्दीको बेनी नगरपालिका–२ बगरफाँटमा अवस्थित बुद्ध एकेडेमीमा नमुना मतदान कार्यक्रम सम्पन्न भएको छ ।
स्थानीय तहको निर्वाचनमा आफ्ना अभिभावकलाई मतदान गर्न सिकाउने, स्कुल, क्याप्टेन र जुनियर रेडक्रस सर्कलका पदाधिकारी छनोट गर्ने उदेश्यले निर्वाचनमा सम्पुर्ण प्रक्रियासहित मतदान कार्यक्रम आयोजना गरिएको हो ।
विद्यार्थिलाई मतदान प्रक्रियाको बारेमा जानकारी दिने, आफ्नो भोटको महत्व बुझाउने र आफुले चाहेको प्रतिनिधिलाई छनोट गर्न सिकाउने उदेश्यले मतदान प्रक्रियाबाट नै स्कुल, क्याप्टेन र जुनिएर रेडक्रसका प्रतिनिधि चयन गर्न लागिएको प्रिन्सिपल राजेन्द्रप्रसाद सेढाईले बताए ।
कक्षा १ देखि १० सम्मका ४३६ जना विद्यार्थीले निर्वाचनमा भाग लिएका थिए ।
प्रकाशित मितिः २०७४ बैशाख २७
वि.सं.२०७४ वैशाख २७ बुधवार १५:१६ मा प्रकाशित
