काठमाडौं।चालु आर्थिक वर्षमा आर्थिक वृद्धिदर लक्ष्य भन्दा बढी हुने अनुमान गरिएको छ। राम्रो मनसुनका कारण कृषि उत्पादन राम्रो भएको र लोडसेडिङ घटेकोले आर्थिक वृद्धिदर लक्ष्य भन्दा बढी हुने सम्भावना बढेको हो ।
सरकारले चालु आर्थिक वर्ष ६।९४ आर्थिक वृद्धिदर हुने लक्ष्यसहित आर्थिक सर्वेक्षण सार्वजनिक गर्दैछ।चालु आर्थिक वर्षको बजेटमा साढे ६ प्रतिशतको आर्थिक वृद्धिदरको लक्ष्य राखिएको थियो। भूकम्प र नाकाबन्दीका कारण गत आर्थिक वर्ष आर्थिक वृद्धिदर ०।०१ प्रतिशतको वृद्धि हुने अनुमान गरिएको थियो।
अर्थमन्त्रालय स्रोतका अनुसार संसदबाट नीति तथा कार्यक्रम पारित भएपछि अर्थमन्त्रालयले आइतबार साँझसम्म आर्थिक सर्वेक्षण सार्वजनिक गर्नेछ।तर आर्थिक सर्वेक्षण औपचारिक कार्यक्रम गरेर सार्वजनिक गर्ने वा वेवसाइटमा राखेर सार्वजनिक गर्ने टुंगो लागेको छैन।
आर्थिक सर्वेक्षणमा ८ महिनाको अवधिमा भएका खर्चका प्रगति विवरणहरु रहनेछ। यो वाहेक विभिन्न सरकारी संस्थानको गत वर्षको नाफा नोक्सान समेत सार्वजनिक हुनेछ।
प्रकाशित मितिः २०७४ जेठ १४
वि.सं.२०७४ जेठ १४ आइतवार १२:१२ मा प्रकाशित
