डडेल्धुरा । नेपाल उद्योग बाणिज्य महासंघको प्रदेश उद्योग बाणिज्य महासंघ अन्तर्गत प्रदेश नम्बर ७ को प्रथम साधारण सभाले कैलाली उद्योग बाणिज्य संघका वर्तमान अध्यक्ष शंकरबहादुर बोगटीको अध्यक्षतामा १० जना कार्य समितिको चयन गरेको छ ।
डडेल्धुरामा शनिबार अबेर राति भएको साधारण सभाले अध्यक्ष, कोषाध्यक्ष र जिल्ला तथा नगरका ५ जना सदस्यहरुलाई निर्विरोध चयन गरेको हो । कोषाध्यक्षमा राम कुमार भण्डारी र सदस्यहरुमा चेतराज भट्ट, माधव प्रसाद जोशी, सुरेश सिंह थापा, दीपक बहादुर महता र दान बहादुर सुर्मेली निर्विरोध भएका हुन ।
यता २ उपाध्यक्ष र एक एशोसियट सदस्य निर्वाचित भएका हुन् । जिल्ला तथा नगर उपाध्यक्षमा कृष्णप्रसाद पाठक र डम्बरबहादुर भण्डारीले समान ५ ५ मत पाएपछि गोला प्रथाबाट पाठक विजयी भएका छन् । त्यस्तै एसोसियट तर्फको उपाध्यक्षमा युवा व्यवसायी हरिशंकर ठाकुर २७ मत प्राप्त गरी विजयी भएका छन् । उनले अनिल कुमार भोजानियालाई २ मतले पराजित गरेका थिए ।
त्यस्तै एसोसियट तर्फ सदस्यका लागि भएको निर्वाचनमा जनकराज जोशी २८ मत ल्याएर वियजी भएका छन् । उनले बम बहादुर शाहलाई ३ मत अन्तरले पराजित गरेका थिए । विजयी पदाधिकारीहरुलाई शनिबार नै पद तथा गोपनियताको सफल ग्रहण गराइएको थियो ।
प्रकाशित मितिः २०७४ जेठ १४
वि.सं.२०७४ जेठ १४ आइतवार १३:०७ मा प्रकाशित