काठमाडौ । सेन्ट्रल फाइनान्सले साउन १० गते विशेष साधारण सभा बोलाएको छ । फाइनान्सले साधारण सभामा ५० प्रतिशत हकप्रद सेयर जारी गर्ने विशेष प्रस्ताव पेस गर्ने भएको छ ।
यसअघि असार २ गते बसेको विशेष साभारण सभामै यो प्रस्ताव लगेपनि सभाले हकप्रद ल्याउने प्रस्तावलाई स्थगित गरेको थियो । पुँजी वृद्धि गर्न मर्ज÷एक्विजिसनमा जाने वा हकप्रद ल्याउने भन्ने अन्योल भएपछि हकप्रद प्रस्तावलाई अघिल्लो विशेष साधारणले स्थगित गरेको कम्पनीले जनाएको छ । कम्पनीका अनुसार मर्ज/एक्विजिसनमा नजाने भए पछि स्थगित गरिएको हकप्रद प्रस्ताव पारित गराउन फेरि विशेष साधारण सभा बोलाएको हो ।
सेन्ट्रलको साधारण सभा स्थानिय विकास प्रशिक्षण प्रतिष्ठान जाउलाखेल ललितपुरमा दिउँसो १ बजे बस्दैछ । फाइनान्सले चुक्ता पुँजी वृद्धि गर्न हकप्रद जारी गर्न लागेको हो । यसअघि सेन्ट्रलले भक्तपुर फाइनान्सलाई गाभेर एकीकृत कारोबार पनि सुरु गरिसकेको छ । हाल कम्पनीको चुक्ता पुँजी ५२ करोड ६ लाख ६३ हजार रुपैयाँ छ ।
प्रकाशित मितिः २०७४ असार २६
वि.सं.२०७४ असार २६ सोमवार १८:०६ मा प्रकाशित
