काठमाडौ । नयाँ आर्थिक वर्षको पहिलो दिन सेयर बजार ०.९० अंकले बढेर १५८३.५७ अंकमा पुगेको छ । बैंकिङ, फाइनान्स र बीमाले आइतबारको बजारलाई धानेका छन् । यी समूहहरु क्रमशः २.४१, १०.९३ र १.४८ अंकले बढेका छन् । होटल, विकास बैंक, जलविद्युत्, उत्पादनमूलक र अन्य समूह भने घटेका छन् ।
आईतबार १४९ वटा कम्पनीको पाँच हजार सात सय ८८ कारोबारबाट १२ लाख ९४ हजार दुई सय ५९ कित्ता सेयरको ६८ करोड १२ लाख ६२ हजार पाँच सय २१ रुपैयाँको कारोबार भएको छ ।
जसमध्ये, सूर्या लाइफ इन्स्योरेन्सको प्रोमोटर सेयरको मात्रै २४ करोडमाथिको सेयर कारोबार भएको छ भने फरवार्ड कम्युनिटी माइक्रोफाइनान्सको पाँच करोड ३५ लाखमाथिको कारोबार भएको छ । प्राइम लाइफ इन्स्योरेन्सको चार करोड ६५ लाखमाथिको कारोबार हुँदा सानिमा बैंक, जनता बैंक र नेपाल लाइफ इन्स्योरेन्सको दुई करोडमाथिको कारोबार भएको छ ।
प्रकाशित मितिः २०७४ साउन १
वि.सं.२०७४ साउन १ आइतवार १६:०२ मा प्रकाशित
