काठमाडौ । बीमासमितिले तोकेको चुक्ता पुँजी बढाउन अधिकांश बीमा कम्पनीहरूले बोनस र हकप्रद सेयर जारी गर्ने भएका छन् । समितिमा पुँजी वृद्धि कार्ययोजना बुझाएका तीन जीवन बीमा कम्पनीले पुँजी पुर्याउन दुई अर्ब रुपैयाँभन्दा बढीको सेयर जारी गर्ने भएका हुन् ।
समितिमा हालसम्म १२ वटा बीमा कम्पनीले पुँजी वृद्धि योजना बुझाएका छन् । जसमध्ये नौवटा निर्जीवन बीमा कम्पनी छन् । योजना पेस गरेका जीवन बीमा कम्पनीमध्ये एसियन लाइफ इन्स्योरेन्स कम्पनीले आव ०७३÷७४ मा ६० करोड ४२ लाख रुपैयाँको हकप्रद सेयर र आव ०७४र७५ मा १८ करोड ७४ हजार बराबरको बोनस सेयर जारी गर्ने योजना बनाएको छ ।
समितिका अनुसार आव ०७२र७३ सम्ममा कम्पनीको चुक्ता पुँजी ८० करोड ५६ कायम छ । आव ०७२÷७३ मा कम्पनीले ४० करोड २८ लाख रुपैयाँबराबरको हकप्रद सेयर जारी गरेको थियो । समितिले गत चैतमा बीमक सञ्चालन तथा दर्तासम्बन्धी निर्देशिका जारी गर्दै बीमकहरूको चुक्ता पुँजी तोकेको थियो । जसअनुसार जीवन बीमा कम्पनीहरूले ०७५ असार मसान्तसम्ममा २ अर्ब पुर्याउनु पर्नेछ ।
त्यसका लागि हाल कम्पनीहरूले योजना मात्रै पेस गरेको समितिका उपनिर्देशक दिनेशलाल कर्णले बताए । “कम्पनीहरूको वित्तीय विवरण स्वीकृत भएपछि मात्रै बोनस र हकप्रदको अन्तिम निर्णय हुन्छ,” उनले भने ।
त्यस्तै, गुराँस लाइफ इन्स्योरेन्सको भने आव ०७२र७३ सम्ममा ५५ करोड चुक्ता पुँजी कायम छ । कम्पनीले समितिमा बुझाएको योजनाअनुसार आव ०७३र७४ मा ६ करोड बराबरको बोनस र १ अर्ब ५ करोडबराबरको हकप्रद जारी गर्ने योजना बनाएको छ । कम्पनीले आब ०७२र७३ मा ४ करोड ४० लाखको बोनस र २९ करोड ७० लाखको हकप्रद सेयर जारी गरेको थियो ।
सूर्या लाइफ इन्स्योरेन्स कम्पनीको भने आव ०७२र७३ सम्ममा चुक्ता पुँजी ६२ करोड ५ लाख पुगेको छ । कम्पनीले आव ०७३र७४ मा १० करोड १ लाखबराबरको बोनस सेयर जारी गर्ने योजना बनाएको छ । आव ०७२र७३ मा कम्पनीले ६ करोड ५६ लाखको बोनस र २८ करोड ८८ लाखको हकप्रद सेयर जारी गरेको थियो । कम्पनीले पेस गरेको योजनाअनुसार अझै पनि ८८ करोड ८३ लाख अपुग देखिएको छ । त्यसैले कम्पनीले एफपीओ र हकप्रद सेयर जारी गर्ने तथा विदेशी कम्पनीसँग समन्वय गर्ने योजना बनाएको छ ।
प्राइम लाइफ इन्स्योरेन्स कम्पनीको भने २०६९ सालदेखि नै वित्तीय विवरण समितिबाट स्वीकृत भएको छैन । त्यसैले कम्पनीले विवरण स्वीकृत भइसकेपछि कम्पनीको नाफा र शेयरधनी कोषको अवस्था हेरेर पुँजी वृद्धिको योजना तयार पारिने बताएको छ । त्यस्तै, नेपाल लाइफ इन्स्योरेन्स कम्पनीले चुक्ता पुँजी २ अर्ब पु¥याइसकेको छ ।
पुँजी पु¥याउन बाँकी रहेका अन्य चार कम्पनीे भने समितिमा कार्य योजनासमेत बुझाएका छैनन् । जसमध्ये राष्ट्रिय बीमा संस्थानको १२ करोड ९३ लाख रहेको छ । समितिले तोकेको चुक्ता पुँजी पु¥याउन कम्पनीले अझै १ अर्ब ८७ करोड थप गर्नुपर्नेछ ।
त्यस्तै, नेसनल लाइफ इन्स्योरेन्स कम्पनीको चुक्ता पुँजी १ अर्ब ३२ करोड ४८ लाख पुगेको छ । कम्पनीले अझै करिब ६८ करोड रुपैयाँ थप गर्नुपर्ने देखिन्छ । लाइफ इन्स्योरेन्स कर्पोरेसन (नेपाल) को भने १ अर्ब ६ करोड चुक्ता पुँजी कायम छ । कम्पनीले अझै ९४ करोड पुँजी थप गर्नुपर्नेछ ।कारोबार दैनिकबाट
प्रकाशित मितिः २०७४ साउन ४
वि.सं.२०७४ साउन ४ बुधवार १२:४० मा प्रकाशित