ओम डेभलपमेन्ट बैंक
काठमाडौ । ओम डेभलपमेन्ट बैंकको २०७३ जेठ २६ गतेपछि सेयर किनेका सेयरधनीले २९.२० प्रतिशत बोनस पाउन यसमा लाग्ने कर तिर्नुपर्ने भएको छ । बैंककासेयरधनीले ओमको केन्द्रीय तथा शाखा कार्यालय र सेयर रजिष्ट्रार एनआइबीएल क्यापिटल मार्केट्समा करको रकम जम्मा गरिसकेपछि डिम्याट खातामै बोनस सेयर पाउनेछन् ।
ओमले मंसिर ८ गतेसम्म सेयर डिम्याट गराएका सेयरधनीलाई भने डिम्याट खातामा बोनस सेयर पठाइदिएको छ । बैंकले यसपछि सेयर डिम्याट गराएका सेयरधनीलाई पनि बोनस सेयर खातामै पठाउने व्यवस्था गरेको हुनाले अहिलेसम्म सेयर डिम्याट नगराएका सेयरधनीलाई तत्काल डिम्याट गराउनसमेत आग्रह गरेको छ ।
यसैगरी, सेयर धितो राखेका सेयरधनीले भने आवश्यक प्रक्रिया पूरा गरेपछि मात्र बोनस पाउने बैंकले जनाएको छ । ओमले गत पुस ८ गते वार्षिक साधारण सभा गरेर २९.२० प्रतिशत बोनस सेयर दिएको थियो ।
महालक्ष्मी विकास बैंक
यस्तै महालक्ष्मी विकास बैंकले गत आर्थिक बर्षको नाफाबाट वितरण गरेको ७.९० प्रतिशत बोनस सेयर सेयरधनीको खातामा जम्मा गरेको जनाएको छ । साथै बैंकले २०७३ भदौ १९ गते पश्चात सेयर किनेका सेयरधनीले बोनस वापतको कर तिर्नुपर्ने हुँदा कर तिर्न सूचना जारी गरेको छ ।
महालक्ष्मीले गत बैशाख ६ गतेसम्म अभौतिकिकरण (डिम्याट) गराईसकेका सेयरधनीको खातामा बोनस पठाईसकेको जनाएको हो । हालसम्म आफुसँग कागजी रुपमा प्रमाणपत्र रहेका सेयधनीहरुले भने बैंकको सेयर विक्री प्रबन्धक सिद्धार्थ क्यापिटलमा सम्पर्क राखी सेयर अभौतिकिरण गराएर बोनस सेयर हितग्राही खातामा नै प्राप्त गर्न सक्नेछन् ।
साथै २०७३ भदौ १९ पछि सेयर किनेका सेयरधनीले बैंकको खाता नम्बर २१६०८०११५१२ मा बोनस सेयरमा लाग्ने कर वापतको रकम जम्मा गरी हितग्राही खातामा बोनस प्राप्त गर्न सकिने बैंकले जनाएको छ ।
प्रकाशित मितिः २०७४ साउन ७
वि.सं.२०७४ साउन ७ शनिवार ०६:५२ मा प्रकाशित