काठमाडौ। बार्सिलोनाबाट कीर्तिमानी मूल्यमा पेरिस सेन्ट जर्मेनमा जाने तयारीमा रहेका ब्राजिलियन फरवार्ड नेयमारले साताको ८ लाख ६५ हजार युरो कमाउने भएका छन् । २५ वर्षीय नेयमारले कर तिर्नु अघि बार्षिक ४५ मिलियन युरो पारिश्रमिक पाउने बीबीसीले जनाएको छ ।
बार्सिलोनाले फ्रन्सेली क्लब पीएसजीलाई भनेको छ कि २२२ मिलियन युरो एकै पटक तिर्नुपर्छ ।नेयमार बुधबार बार्सिलोनाको ट्रेनिङमा पुगेका थिए र उनले क्लब छाड्न चाहेको इच्छा व्यक्त गरे । बार्सिलोनाका प्रशिक्षकले पनि उनलाई क्लब छाड्न अनुमति दिएको छ र नेयमारले ट्रेनिङ गरेनन् ।
प्रकाशित मितिः२०७४ साउन १९
वि.सं.२०७४ साउन १९ बिहीवार ११:३९ मा प्रकाशित
