काठमाडौ । रिलायबल माईक्रोफाइनान्स वित्तिय संस्था लिमिटेडले सेयरधनीहरुलाई २० प्रतिशत बोनस सेयर दिने भएको छ । यसकारण अब १०० कित्ता सेयर हुनेको सेयर बढेर १२० कित्ता हुनेछ ।
कम्पनीको साउन २२ गते बसेको संचालक समितिको बैठकले गतबर्षको कमाईबाट २० प्रतिशत बोनस र कर प्रयोजनका लागि ५ लाख ९४ हजार रुपैयाँ नगद लाभांश वितरण गर्ने प्रस्ताव गरेको हो ।
कम्पनीले प्रस्ताव गरेको बोनस नेपाल राष्ट्र बैंकको स्वीकृति र कम्पनीको आगामी साधारणसभाले पारित गरेपछि लगानीकर्तालाई वितरण गरिनेछ । माइक्रोफाइनान्सले अहिले ५० प्रतिशत हकप्रद सेयर बिक्री गरिरहेको छ । हकप्रदमा आवेदन गर्ने म्याद श्रावण २९ गते सम्म रहेको छ ।
प्रकाशित मितिः २०७४ साउन २४
वि.सं.२०७४ साउन २४ मंगलवार ११:०६ मा प्रकाशित
