साताको नेप्से परिसूचक पहिलो दिनको तुलनामा ०.१६ अंकले घटेर अन्तिम दिन १६१७.८१ अंकमा पुगेको छ । यस साता नेपाल स्टक एक्सचेन्जमा १७५ कम्पनीहरुको कारोबार भएको छ । जस अनुसार ४०१८३ कारोबारबाट तीन अर्ब ३१ करोड ४९ लाख ६५ हजार रुपैयाँ बराबरका एक अर्ब ४८ लाख ३० हजार आठ सय ८० कित्ता सेयरहरु खरिद बिक्री भएका छन् ।
कारोबार रकम गत साताको भन्दा ८.४५ प्रतिशत बढी हो । गत साता १७८ कम्पनीहरुको कारोबार भएको थियो । जस अनुसार २७४६६ कारोबारबाट तीन अर्ब पाँच करोड ६७ लाख ६२ हजार रुपैयाँ बराबरका ८४ लाख ४६ हजार चार सय ६० कित्ता सेयरहरु खरिद बिक्री भएका थिए ।
‘क’ वर्गका कम्पनीहरुको कारोबार मापन गर्ने सेन्सेटिभ परिसूचक पहिलो दिनको तुलनामा ०.०४ अंकले घटेर ३३९.९४ अंकमा आईपुगेको छ ।
यस साता कारोबार रकम (१९ करोड ७५ लाख ८० हजार रुपैयाँ) को आधारमा प्राइम लाइफ इन्स्योरेन्स कम्पनी लिमिटेड अग्रस्थानमा रहेको छ । त्यसैगरी कारोबार भएको सेयर संख्या (३६ लाख २३ हजार इकाईा) को आधारमा सिद्धार्थ इन्भेस्टमेन्ट ग्रोथ स्किम १ अग्रस्थानमा रहेको छ । त्यसैगरी कारोबार संख्या (११८८९ वटा) को आधारमा हिमालयन पावर पार्टनर लिमिटेड अग्रस्थानमा रहेको छ ।
यस साता नेपाल स्टक एक्सचेन्जको कारोबार कक्ष नियमित कारोबारका लागि पाँच दिन खुला रह्यो । यस साता पनि ऋणपत्रतर्फ संस्थागत तथा सरकारी ऋणपत्रहरुको कुनै पनि कारोबार भएन ।
प्रकाशित मितिः २०७४ भाद्र १०
वि.सं.२०७४ भदौ १० शनिवार १२:२० मा प्रकाशित
