काठमाडौ । नेपाल ग्रामीण विकास बैंकले भदौ २७ गतेदेखि एफपिओ निष्काशन गर्ने भएको छ । बैंकले प्रतिकित्ता १ सय रुपैँयाँका दरको ९ लाख ७५ हजार कित्ता एफपिओ निष्काशन गर्न लागेको हो ।
एफपिआको विवरणपत्र सेयर विक्री प्रबन्धक प्रभु क्यापिटल तथा ग्रामिण विकास बैंकको केन्द्रीय कार्यालय बुटवलबाट प्राप्त गर्न सकिनेछ ।
धितोपत्र बोर्डले चालु आर्थिक वर्षको सुरुवातसँगै अनिवार्य आस्वा प्रणाली मार्फत मात्र आवेदन गर्ने व्यवस्था गरेकाले एफपिओमा बोर्डबाट आस्वा सेवामा सहभागि बैंक तथा वित्तिय संस्था र तीनका शाखा कार्यालयबाट भदौ ३० गतेसम्म ७५ जिल्लाबाट नै आवेदन गर्न सकिन्छ । आवश्यक माग नपरेमा भने बैंकले असोज १० गतेसम्म एफपिओ खुला गर्न सक्नेछ ।
राष्ट्र बैंकको व्यवस्था अनुसार बैंकमा सर्वसाधारण तर्फको सेयर अनुपात कम्तिमा ३० प्रतिशत हुनु पर्ने भएपछि एफपिओ निष्काशन गर्न लागेको हो ।
बैंकको एफपिओलाई इक्रा नेपालले ग्रेड ४ प्लस रेटिङ दिएको छ । ग्रेड फोर प्लस रेटिङले बैङ्ककोे आधारभूत पक्ष औसतभन्दा कमजोर रहेको संकेत गर्छ ।
एफपिओ जारी गरेपछि बैंकको चुक्तापूँजी ९ करोड ७५ लाख रुपैयाँ थपिनेछ । हाल बैंकको पूँजी ५५ करोड ७५ लाख रुपैँया रहेको छ । एफपीओ निष्काशनपछि कम्पनीको पूँजी ६५ करोड ५५ लाख रुपैँया पुग्नेछ ।
प्रकाशित मितिः२०७४ भाद्र १६
वि.सं.२०७४ भदौ १६ शुक्रवार १३:०३ मा प्रकाशित