काठमाडौ । हालैको वर्षपछि आएको बाढीले पूर्वी तराई क्षेत्रमा धेरै धनजनको क्षतिको अवस्थालाई मध्यनजर गर्दै पुँजी बजारको नियामक निकाय नेपाल धितोपत्र बोर्डले बाढी पीडितका लागि ३० लाख रुपैयाँ सहयोग गरेको छ । बोर्डले प्रधानमन्त्री दैवी प्रकोप उद्धार कोषमा जम्मा गर्न ३० लाख रुपैयाँ बराबरको चेक हस्तारन्तरण गरेको छ ।
प्रधामन्त्री निवास बालुवाटारमा एक कार्यक्रम गरी बोर्डका अध्यक्ष डा. रेवतबहादुर कार्कीले प्रधानमन्त्री शेरबहादुर देउवालाई उक्त सहयोग रकम हस्तान्तरण गरेका हुन् । कार्यक्रममा बोर्डका सदस्य तोयानाथ अधिकारी, नरबहादुर थापा, जगन्नाथ उपाध्याय तथा बोर्डका कार्यकारी निर्देशक र निर्देशकको उपस्थिती रहेको थियो । राहत कोषमा सहयोग गरेको भन्दै प्रधानमन्त्रीले बोर्डलाई धन्यवाद दिएका छन् ।
प्रकाशित मितिः२०७४ भदौ १९
वि.सं.२०७४ भदौ १९ सोमवार १०:५५ मा प्रकाशित
