काठमाडौ । नेपाल ग्रामीण विकास बैंकको एफपीओ मंगलबार बाँडफाँट भएको छ । एफपीओ ९७ हजार ५०० आवेदकले गोलाप्रथामार्फत १० कित्ता सेयर पाएका छन् ।
कुल २ लाख ५० हजार ५२४ जनाको आवेदन स्वीकृत भएकोमा गोलाप्रथाबाट ९७ हजार ५०० जनाले मात्र सेयर पाएका हुन् । बाँकी आवेदकको सेयर पाएनन् । एफपीओमा कुल २ अर्ब ७३ करोड २२ हजार ८०० रुपैयाँ बराबरको आवेदन परेको थियो भने ३ हजार ७९१ जनाको भने आवेदन रद्द भएको छ ।
बैंकले भदौ २७ देखि भदौ ३० गतेसम्म ९ करोड ७५ लाख रुपैयाँ बराबरको ९ लाख ७५ हजार कित्ता एफपीओ बिक्री खुला गरेको थियो । एफपीओमा न्यूनतम ५० कित्तादेखि अधिकतम ४ हजार ८७० कित्तासम्म आवेदन दिन पाउने व्यवस्था थियो ।
एफपीओको निष्काशन तथा बिक्री प्रबन्धकको काम प्रभु क्यापिटल लिमिटेडले गरेको हो । एफपीओ निष्काशनपछि बैंकको चुक्ता पुँजी ६५ करोड ५० लाख रुपैयाँ पुग्ने छ।
प्रकाशित मितिः २०७४ असोज ३१
वि.सं.२०७४ असोज ३१ मंगलवार १०:४४ मा प्रकाशित