काठमाडौ । कैलाश विकास बैंकले १० प्रतिशत बोनस सेयर दिने विशेष प्रस्ताव पारित गराउन मंसिर १५ गते साधारण सभा गर्नै भएको छ । बैंकले यसअघि नै चुक्ता पुँजीको १० प्रतिशतले हुने २२ करोड ९१ लाख ४८ हजार ८ सय रुपैयाँ बराबरको बोनस सेयर वितरण गर्ने घोषणा गरिसकेको थियो । यसलाई साधारण सभाबाट पारित गराउन मात्र बाँकी छ ।
त्यसैगरी बैंकले ९.४५ प्रतिशतका दरले २१ करोड ६५ लाख ५८ हजार ३०० रुपैयाँ नगद लाभांश दिने प्रस्ताव पनि साधारण सभामा पेश गर्दैछ । यसअघि ९.५० प्रतिशत नगद लाभांश दिने घोषणा गरे पनि राष्ट्र बैंकको पत्र अनुसार नगद लाभांशमा परिवर्तन गरिएको बैंकले जनाएको छ ।
बोनस सेयर वितरणपछि बैंकको चुक्ता पुँजी २ अर्ब ५२ करोड पुग्नेछ । राष्ट्र बैंकले राष्ट्रियस्तरको विकास बैंकको चुक्ता पुँजी २ अर्ब ५० करोड रुपैयाँ हुनुपर्ने व्यवस्था गरेको छ ।
साधारण सभाका लागि मंसिर १ गतेदेखि १५ गतेसम्म बुक क्लोज हुनेछ । बुक क्लोज हुने अघिल्लो दिनसम्म कायम रहेका सेयरधनीले मात्र साधारण सभामा भाग लिन र लाभांश पाउनेछन् ।
वि.सं.२०७४ कात्तिक २६ आइतवार १२:०७ मा प्रकाशित