काठमाडौं। पछिल्लो समय नेपाली बैङ्कहरुमा दुरदर्शिताको अभाव देखिन थालेको छ । बैङ्कहरुले निक्षेप संकलन आकलन नगरी ऋण लगानि बढाउदा तरलतामा समस्या देखिएको भन्दै नेपाल राष्ट्र बैंकले बैंक तथा वित्तीय संस्थालाई ऋण लगानीमा सावधानी अपनाउन निर्देशन दिएको छ।
कर्जा प्रवाह र निक्षेप परिचालन बीच रहेको असन्तुलनमा सुधार ल्याउन बैंकहरुले कर्जा प्रवाहमा सावधानी अपनाउन आवश्यक छ, राष्ट्र बैंकको भनाइ छ, स्थानीय, प्रदेश र केन्द्रको चुनाव सफलतापूर्वक सम्पन्न भइसकेकाले सरकारी खर्च खासगरी स्थानीय तहको सरकारी खर्च बृद्धि हुने अपेक्षा रहेको छ ।
कात्तिकसम्म निक्षेप संकलन १४.९ प्रतिशतले बढ्दा कर्जा लगानी साढे १७ प्रतिशतले बढेको तथ्यांक सार्बजनिक गर्दै केन्द्रीय बैंकले ऋण लगानीमा सावधानी अपनाउन भनेको हो।
राष्ट्र बैंकले भनेको छ, यसबाट वित्तीय क्षेत्रमा हाल देखिएको घर्षणमा केही सहजीकरण हुने देखिन्छ।
२०७४ पुस १० गते प्रकाशित
वि.सं.२०७४ पुस १० सोमवार ११:३६ मा प्रकाशित
