काठमाडौ । एनआईसी एशिया बैंकले नयाँ लगानीका लागि स्रोत जुटाउन एक हजार रुपैयाँ अंकित दरका ३० लाख कित्ता ऋणपत्र जारी गरेको छ । बैंकले तीन अर्ब रुपैयाँ बराबरको ‘एनआईसी एशिया डिबेन्चर २०८१/८२’ को बिक्री खुला गरेको छ । बैंकको डिबेन्चरमा यही पुस १३ देखि १७ गतेसम्म आवेदन दिन पाइनेछन । बैंकले प्रतिकित्ता एक हजार रुपैयाँ अंकित दरका ३० लाख कित्ता ऋणपत्र निष्काशन गरेको हो ।
९ प्रतिशत वार्षिक ब्याजदर हुने ऋणपत्रको अर्धवार्षिक रूपमा ब्याज भुक्तानी गरिने बैंकले जनाएको छ । ऋणपत्रको अवधि ७ वर्ष हुनेछ । यसमा बित्त बजारमा हुने ब्याज दर घटबढले लगानीकर्तालाई कुनै प्रभाव पार्ने छैन ।
ऋणपत्र नेपाल स्टक एक्सचेन्ज लिमिटेडमा सूचीकरण गरिने छ । ऋणपत्र नेपालको ऋणपत्र बजारको विकासको लागि महत्वपूर्ण औजार हुने विश्वास बैंकले लिएको छ ।
सो ऋणपत्रलाई ईक्रा नेपाल लिमिटेडले इक्राएनपी एलए माइनास रेटिङ्ग प्रदान गरेको छ । जसको अर्थ लगानीको उच्चतम सुरक्षा र न्यून कर्जा जोखिम हो । साथै, यस बैंकलाई इक्रा नेपाल लिमिटेडले इक्राएनपी आईआर ए माइनस रेटिङ्ग प्रदान गरेको छ । जुन नेपाली बैंकहरुलाई प्रदान गरिएको उत्कृष्ट रेटिङ्गहरु मध्ये एक भएको बैंकले जनाएको छ
तीन अर्ब रुपैयाँको ऋणपत्र मध्ये ८० प्रतिशत अर्थात २ अर्ब ४० करोड रुपैयाँ व्यक्तिगत तवरबाट र २० प्रतिशत अर्थात ६० करोड रुपैयाँ बराबरको ऋणपत्र सर्वसाधारण लगानीकर्तालाई सार्वजनिक निष्काशन विधि मार्फत निष्काशन गर्न धितोपत्र बोर्डले अनुमति दिएको थियो ।
ऋणपत्रको बिक्रीप्रबन्धकमा नबिल इन्भेष्टमेण्ट बैंकिङ लिमिटेड रहेको छ । आबेदन गर्न चाहनेले नबिल ईन्भेष्ट र एनआईसी एशियाका शाखा कार्यालयका साथै आफ्नो बैंंक खाता रहेका बैंकहरुमा सम्पर्क राखी आबश्यक पक्रिया पुरा गर्नुपर्ने छ ।
२०७४ पुष १३ गते प्रकाशित
वि.सं.२०७४ पुस १३ बिहीवार १४:३० मा प्रकाशित