काठमाडौँ । नेकपा (एमाले) का उपाध्यक्ष अष्टलक्ष्मी शाक्यले मुलुकमा जनादेशअनुसारको सरकार गठन भएपछि देश र जनतालाई समृद्धिको अभियानमा अगाडि बढाउन सकिने बताएकी छिन् ।
कामपा–१५ स्थित डल्लु आवास क्षेत्रमा ‘सिर्जनशील समुन्नत नेपाल’ नामक सामाजिक संस्थाको आज शुभारम्भ गर्दै उनाँले देशमा हालै सम्पन्न निर्वाचनपछि अब आर्थिक र सामाजिक रुपान्तरणका लागि प्रशस्त मार्ग खुला भएको बताइन् ।
कार्यक्रममा प्रतिनिधिसभा सदस्य जीवनराम श्रेष्ठले समाजमा महिला वर्गमा आर्थिक पहुँच नपुगेकाले उनीहरूमाथि अनेक किसिमका हिंसाको घटना हुने गरेकामा चिन्ता व्यक्त गर्दै उनीहरूलाई व्यावसायिक तालीम उपलब्ध गराई आयआर्जन गराउनसकेमा सशक्तीकरण हुने विचार व्यक्त गरे ।
कामपा–१५ का वडाध्यक्ष ईश्वरमान डंगोलले त्यस क्षेत्रका महिला वर्गलाई घरेलु उत्पादन तथा सीपमूलक व्यवसायमा लगाउनसकेमा सामाजिक रुपान्तरणमा सहयोग पुग्ने बताए ।
सिर्जनशील समुन्नत नेपाल’ का अध्यक्ष शान्ती सिंह शाहीले समाजसेवाका माध्यमबाट पनि राष्ट्र निर्माणमा योगदान पु¥याउन सकिने बताउँदै त्यस क्षेत्रका सिमान्तकृत, पिछडिएका महिलालाई सीप तथा सहयोग जुटाउने प्रतिबद्धता व्यक्त गरिन् ।
२०७४ माघ ११ गते प्रकाशित
वि.सं.२०७४ माघ ११ बिहीवार ०८:३४ मा प्रकाशित