काठमाडौ । नागबेली लघुवित्तले ७ करोड ६६ लाख ४६ हजार बराबरको हकप्रद जारी गर्ने प्रक्रिया थालेको छ । लघुवित्तले एक बराबर एक कित्ता अनुपातमा हकप्रद जारी गर्न धितोपत्र बोर्डसँग अनुमति माग गरेको हो ।
लघुवित्तले माघ २३ गते मंगलबार हकप्रद जारी गर्न निवेदन पेश गरेको बोर्डले जनाएको छ । कम्पनीले एनएमबि क्यापिटललाई हकप्रद निष्काशन तथा विक्री प्रबन्धक तोकेको छ ।
चालू आर्थिक बर्षको प्रथम त्रैमासमा लघुवित्तले २५ लाख ५१ हजार रुपैयाँ खुद नाफा कमाएर प्रतिसेयर आम्दानी १९ रुपैयाँ ३९ पैसा कायम गरेको छ । कम्पनीको विहीबार प्रतिकित्ता सेयरमूल्य २३९४ रुपैयाँ रहेको छ ।
नागबेलीले गत बर्ष वितरण गरेको ४५.६० प्रतिशत बोनस कायम हुने चुक्ता पूँजी ७ करोड ६६ लाख ४६ हजार रुपैयाँ बराबरको नै हकप्रद जारी गर्न लागेको हो ।
बोर्डमा आवेदन माग गरेको सात लाख ६६ हजार ४६३ दशमलव १५ कित्ता हकप्रद जारी पश्चात कम्पनीको चुक्ता १५ करोड ३२ लाख ९२ हजार रुपैयाँ पूँजी पुग्नेछ । लघुवित्तको गत मंसिर २५ गते सम्पन्न आठौं बार्षिक साधारण सभाले शतप्रतिशत हकप्रद निष्काशन गर्ने प्रस्ताव पारित गरेको थियो ।
२०७४ माघ २८ गते प्रकाशित
वि.सं.२०७४ माघ २८ आइतवार ०९:२९ मा प्रकाशित
